दुर्गा कवचम्

                      * अथ देव्याः कवचम्

ॐ अस्य श्रीचण्डीकवचस्य ब्रम्हा ऋषिः , अनुष्टुप् छन्द: चामुण्डा देवतास्तत्त्वम् , श्रीजगदम्बाप्रीत्यर्थे सप्तशतीपाठाङ्गत्वेन जपे विनियोग:।

                       मार्कण्डेय उवाच

ॐ यद्गुह्यं परमं लोके सर्वरक्षाकरं नृणाम्।

यन्न कश्यचिदाख्यातं जन्मे ब्रूहि पितामह।।1।।

                      ब्रम्होवाच

अस्ति गुह्यतमं विप्र सर्व भूतोपकारकम् ।

देव्यास्तु कवचं पुण्यं तच्छृणुष्व महामुने ।।2।।

प्रथमं शैलपुत्री च द्वितीया ब्रम्हचारिणी।

तृतीयं चन्द्रघण्टेति कूष्माण्डेति चतुर्थकम्।।3।।

पञ्चमं स्कन्दमातेति षष्ठं कात्यायनीति च ।

सप्तमं कालरात्रीति च महागौरीति चाष्टमम्।।4।।

नवमं सिद्धिदात्री च नवदुर्गा: प्रकीर्तिता: ।

उक्तान्येतानि नामानि ब्रम्हणैव महात्मना।।5।।

अग्निना दह्यमानस्तु शत्रुमध्ये गतो रणे।

विषमे दुर्गमे चैव भयार्ता: शरणं गता: ।।6।।

न तेषां जायते किंचिदशुभं रणसंकटे ।

नापदं तस्य पश्यामि शोकदु:खभयं न हि ।।7।।

यैस्तु भक्तया स्मृता नूनं तेषां वृद्धि: प्रजायते ।

ये त्वाम स्मरन्ति देवेशि रक्षसे तान्न संशय: ।।8।।

प्रेतसंस्था तु चामुण्डा वाराही महिषासना ।

ऐन्द्री गज समारूढ़ा वैष्णवी गरुडासना ।।9।।

माहेश्वरी वृषारूढा कौमारी शिखिवाहना ।

लक्ष्मी: पद्मासना देवी पद्महस्ता हरिप्रिया ।।10।।

श्वेतरूपधरा देवी ईश्वरी वृषवाहना ।

ब्राह्मी हंससमारूढा सर्वाभरणभूषिता ।।11।।

इत्येता मातर: सर्वा: सर्वयोगसमन्विता: ।

नानाभरणशोभाढ्या नानारत्नोपशोभिता: ।।12।।

दृश्यन्ते रथमारूढा देव्य: क्रोध समाकुला: ।

शङ्खं चक्रं गदां शक्तिं हलं च मुसलायुधम् ।।13।।

खेटकं तोमरं चैव परशुं पाशमेव च ।

कुन्तायुधं त्रिशूलं च शाङ्ग्मायुधमुत्तमम् ।।14।।

दैत्यानां देहनाशाय भक्तानामभयाय च ।

धारयन्त्यायुधानीत्थं देवानां च हिताय वै ।।15।।

नमस्तेऽस्तु महारौद्रे महाघोरपराक्रमे ।

महाबले महोत्साहे महाभयविनाशिनी ।।16।।

त्राहि मां देवि दुष्प्रेक्ष्ये शत्रूणां भयवर्धिनि ।

प्राच्यां रक्षतु मामैन्द्री आग्नेय्यामग्निदेवता ।।17।।

दक्षिणेऽवतु वाराही नैर्ऋत्यां खड्गधारिणी ।

प्रतीच्यां वारुणी रक्षेद् वायव्यां मृगवाहिनी ।।18।।

उदीच्यां पातु कौमारी ऐशान्यां शूलधारिणी ।

ऊधर्वं ब्रम्हाणि मे रक्षेदधस्ताद् वैष्णवी तथा ।।19।।

एवं दश दिशो रक्षेच्चामुण्डा शववाहना ।

जया मे चाग्रत: पातु विजया पातु पृष्ठत: ।।20।।

अजिता वामपाश् र्वे तु दक्षिणे चापराजिता ।

शिखामुद्योतिनी रक्षेदुमा मूद्धिर्न व्यवस्थिता ।।21।।

मालाधरी ललाटे च भ्रुवौ रक्षेद्  यशस्विनी।

त्रिनेत्रा च भ्रुवोर्मध्ये यमघण्टा च नासिके ।।22।।

शङखिनी चक्षुषोर्मध्ये श्रोतयोर्द्वारवासिनी ।

कपोलौ कालिका रक्षेत्कर्णमूले तु शांकरी ।।23।।

नासिकायां सुगन्धा च उत्तरोष्ठे च चर्चिका ।

अधरे चामृतकला जिह्वायां च सरस्वती ।।24।।

दन्तान् रक्षतु कौमारी कण्ठदेशे तु चण्डिका ।

घण्टिकां चित्रघण्टा च महामाया च तालुके ।।25।।

कामाक्षी चिबुकं रक्षेद् वाचं में सर्वमंगला ।

ग्रीवायां भद्रकाली च पृष्ठवंशे धनुर्धरी ।।26।।

नीलग्रीवा बहि: कण्ठे नलिकां नलकूबरी ।

स्कन्धयो: खड्गिनी रक्षेद् बाहू मे वज्रधारिणी ।।27।।

हस्तयोर्दण्डिनी रक्षेदम्बिका चाङ्गुलीषु च ।

नखाञ्छूलेश्वरी रक्षेत्कुक्षौ रक्षेत्कुलेश्वरी ।।28।।

स्तनौ रक्षेन्महादेवी मन: शोकविनाशिनी ।

हृदये ललिता देवी उदरे शूलधारिणी ।।29।।

नाभौ च कामिनी रक्षेद् गुह्यं गुह्येश्वरी तथा ।

पूतना कामिका मेढ्रं गुदे महिषवाहिनी ।।30।।

कट्यां भगवती रक्षेज्जानुनी विंध्यवासिनी ।

जङ्घे महाबला रक्षेत्सर्वकामप्रदायिनी ।।31।।

गुल्फयोर्नारसिंही च पादपृष्ठे तु तैजसी ।

पादाङ्गुलीषु श्री रक्षेत्पादाधस्तलवासिनी ।।32।।

नखान् दंष्ट्राकराली च केशांश्चैवोधर्वकेसिनी ।

रोमकूपेषु कौबेरी त्वचं वागीश्वरी तथा ।।33।।

रक्तमज्जावसामांसान्यस्थिमेदांसि पार्वती ।

अन्त्राणि कालरात्रिश्च पित्तं च मुकुटेश्वरी ।।34।।

पद्मावती पद्मकोशे कफे चुडामणिस्तथा ।

ज्वालामुखी नखज्वालामभेद्या सर्वसंधिषु ।।35।।

शुक्रं ब्रम्हाणि मे रक्षेच्छायां छत्रेश्वरी तथा ।

अहंकारं मनो बुद्धिं रक्षेन्मे धर्मधारिणी ।।36।।

प्राणापानौ तथा व्यानमुदानं च समानकम् ।

वज्रहस्ता च मे रक्षेत्प्राणं कल्याणशोभना ।।37।।

रसे रूपे च गन्धे च शब्दे स्पर्शे च योगिनी ।

सत्त्वं रजस्तमश्चैव रक्षेनारायणी सदा ।।38।।

आयु रक्षतु वाराही धर्मं रक्षतु वैष्णवी ।

यश: कीर्तिं च लक्ष्मीं च धनं विद्यां च चक्रिणी ।।39।।

गोत्रमिन्द्राणि मे रक्षेत्पशून्मे रक्ष चण्डिके ।

पुत्रान् रक्षेन्महालक्ष्मीर्भार्यां रक्षतु भैरवी ।।40।।

पन्थानं सुपथा रक्षेन्मार्गं क्षेमकरी तथा ।

राजद्वारे महालक्ष्मीर्विजया सर्वत: स्थिता ।।41।।

रक्षाहीनं तु यत्स्थानं वर्जितं कवचेन तु ।

तत्सर्वं रक्ष मे देवि जयन्ती पापनाशिनी ।।42।।

पदमेकं न गच्छेत्तु यदीच्छेच्छुभमात्मन: ।

कवचेनावृतो नित्यं यत्र यत्रैव गच्छति ।।43।।

तत्र तत्रार्थलाभश्च विजय: सार्वकामिक: ।

यं यं चिन्तयते कामं तं तं प्राप्नोति निश्चितम् ।

परमैश्वर्यमतुलं प्राप्स्यते भूतले पुमान् ।।44।।

निर्भयो जायते मत् र्य: संग्रामेष्वपराजित: ।

त्रैलोक्ये तु भवेत्पूज्य: कवचेनाव‌त: पुमान् ।।45।।

इदं तु देव्या: कवचं देवानामपि दुर्लभम् ।

य: पठेत्प्रयतो नित्यं त्रिसन्ध्यं श्रद्धयान्वित:।।46।।

दैवी कला भवेत्तस्य त्रैलोक्येष्वपराजिता: ।

जीवेद् वर्षशतं साग्रमपमृत्युविवर्जित: ।।47।‌।

नश्यन्ति व्याधय: सर्वे लूताविस्फोटकादय: ।

स्थावरं जङ्गमं चैव कृत्रिमं चापि यद्विषम् ।।48।।

अभिचाराणि सर्वाणि मन्त्रयन्त्राणि भूतले ।

भूचरा: खेचराश्चैव जलजाश्चोपदेशिका: ।।49।।

सहजा कुलजा माला डाकिनी शाकिनी तथा ।

अन्तरिक्षचरा घोरा डाकिन्यश्च महाबला: ।।50।।

ग्रहभूतपिशाचाश्च यक्षगन्धर्वराक्षसा: ।

ब्रम्हराक्षसवेताला: कूष्माण्डा भैरवादय: ।।51।।

नश्यन्ति दर्शनात्तस्य कवचे हृदि संस्थिते ।

मानोन्नतिर्भवेद् राज्ञस्तेजोवृद्धिकरं परम् ।।52।।

यशसा वर्धते सोऽपि कीर्तिमण्डितभूतले ।

जपेत्सप्तशतीं चण्डीं कृत्वा तु कवचं पुरा ।।53।।

यावद्भूमण्डलं धत्ते सशैलवनकाननम् ।

तावत्तिष्ठति मेदिन्यां संतति: पुत्रपौत्रिकी ।।54।।

देहान्ते परमं स्थानं यत्सुरैरपि दुर्लभम् ।

प्राप्नोति पुरुषो नित्यं महामायाप्रसादत: ।।55।।

लभते परमं रूपं शिवेन सह मोदते ।।ॐ।।56।।

          इति देव्या: कवचं सम्पूर्णम् ।

      

जय माता दी 🙏🙏🌺🌺❤️❤️